KLAMBI

Oleh: Moh. Ghufron, S.Pd.I

Nalikane Tresnane Nabi Ya'qub ning Yusuf ngluwihi anak-anak e liyane, ndadeake anak-anake liyane, yo sedulur-sedulure Yusuf dewe, Yahuda sakdulure.. Ngroso serik atine.

Yahuda lan dulur-dulure nuli nggawe rekodoyo, piye carane nyingkrihake Yusuf.
Nuli nemu coro, "mengko sore pamit ng Bapak, ngajak Yusuf dolan ning alas, yen wis tekan pinggir alas, sing ono sumure, Yusuf dijegurke ning sumur wae".

Nuli sore kui Yahuda pamit ning Nabi Ya'qub ngajak dolan adhine yo si Yusuf.
Kanthi ati abot si Bapak ngeculke anak sing ditresnani kui dolan karo mas-mas e.

Temenan. Naliko wis marem ngajak dolanan Yusuf, lan wektu wis surup, nuli rencana jahat sing wes kasusun enggal dilaksanakan. Yusuf digujer, klambine dicopot dijegurake ning sumur. Nuli golek kewan cilik, dipateni, getihe kewan mau dioser2ake ning klambine Yusuf.

Pas waktu isya Yahuda sakdulure tekan omah karo nangis... Matur ning Bapake, "Dhuh Bapak.. Ngapunten ingkang kathah, naliko wasul wau sedoyo sami balapan mlayu, dene Yusuf ketinggalan, mbasan kulo wangsuli kantun klambine Yusuf meniko, Yusuf dipangan Segawon Alas, Bapak..."

وجاؤوا على قميصه بدم كذب.

Sebab weruh klambine Yusuf sing glubrat getih mau, Ya'qub susah. Susah sing banget, sampek2 akhire mripat karo-karone Ya'qub ora biso nyawang padange dunyo maneh.

***

Waktu lewat koyo dene Cokro manggilingan. Ringkese cerito, Yusuf ditemu poro Penggedhe Mesir, sing tembe akhire, Yusuf dadi Perdana Menteri Mesir.

Terusing crito ono musim kesrakat, paceklik. Sing ndadekake kabeh negoro ketaman Paceklik mau, ora keliyo negarane Ya'qub sak keluargane. Mesir sing dipimpin Yusuf senajan ketaman paceklik, nanging krono pintere Yusuf wis sedyo sakdurunge, mulo Mesir tenang tenang wae ngadepi paceklik, sebab timbunan panganan sing mandhung.

Ya'qub sing tuo lan wuto utusan ng anak2e yo Yahuda sakdulure kaben blonjo bahan pangan menyang negoro Mesir.

Ing akhire Yahuda pethukan karo Yusuf.
Nuli dho njaluk ngapuro lan tobat.
Dho crito yen Bapak saiki tuo lan wuto, sebab susah kelangan Yusuf.

Akhire Yusuf kondho, "saiki dho balio, iki gawanen klambiku, usapke wajahe Bapak".

Naliko rombongane Yahuda wis tekan pekarangan omah, durung sampe mlebu omah, Ya'qub kroso lan mbatin, "aku kok mambu gandane Yusuf"

Nuli Yahuda sakdulure matur bloko suto ning Bapake opo anane. Lan klambine Yusuf nuli diusapake maring wajahe Bapake.

Lan... Byar...
Ya'qub sing maune wuto sebab weruh klambine Yusuf sing glubrat getih, saiki waluyo satemah jati. Waras wiris koyo wingi uni.

( فألقوه على وجه أبي يأت بصيرًا )

Lan Klambi sing maune dadi sebab Susah, saiki dadi Obat.

" Opo sing ndadekne sliramu susah dino iki, iso ugo bakal dadi sebab bungahmu dino sesuk"

*) Penulis adalah Waka. Kesiswaan SMA Islam Sunan Gunung Jati Pondok Ngunut.