IMAN, ISLAM & IHSAN

Oleh: Zamahsari Abdul Azis, S.Pd.I, M.Si

Takseh nglajengaken bahasan wonten ing dinten kepengker, ingkang gegayutan kaliyan nopo ingkang dipun ajaraken kanjeng Nabi Muhammad SAW. Salah satunggalipun hadis ingkang saget nggambaraken konsep pokok ajaranipun Nabi Muhammad SAW, inggeh puniko hadis ingkang dipun riwayataken dening Imam Bukhori lumantar sahabat Umar bin Khotob.; cinarito wonten ing salah setunggalipun wekdal nalikane kanjeng Nabi kempalan kaliyan poro sahabat dipon rawuhi dening piyantun kakung ingkang poro sahabat dereng nate pirso piyantun meniko. Banjur tiyang kolowahu nderek gabung dateng majelisipun kanjeng Nabi kaliyan poro sahabat. Wonten ing tengahe majelis tiyang kolowahu tangklet dateng kanjeng Nabi ngenani babagan iman, islam ihsan.

Naliko Nabi dipon tangkleti ngenani iman kanjeng nabi ndawuh aken :

أن تؤمن بالله وملائكته وبكتبه وبرسله وتؤمن بالبعث

    

Naliko dipon tangkleti babakan islam panjenangipon nabi Muhammad paring jawaban :

أن تعبد الله ولا تشرك به وتقيم الصلاة وتؤدى الزكاة المفروضة وتصوم رمضان

        

Naliko dipon tangkleti babagan ihsan :

أن تعبدالله كأنك تراه فإن لم تكن تراه فإنه يراك

    Nyembaho marang Allah koyo-koyo sliramu biso ningali wujude Allah, ananging yen ora biso koyo mengkono, rumongsoho yen sliramu tansah ono ing pengawasane Allah SWT.

Banjur poro sahabat gawok, nggumun kelawan lakune piyantun kolowahu, kranten saben-saben nabi njawab pitakonipun ugi tiyang kolowahu ingkang mbeneraken jawabanipun kanjeng Nabi, banjur saksampune kanjeng Nabi nerangkaen alamatipun dino qiyamat, piyantun kolowahu mundur saking ngarsane kanjeng Nabi ugi poro sahabat. Poro sahabat sami tangklet dateng kanjeng Nabi ngenani piyantun kolowahu, wong tengklet kok sekaligus mbeneraken, selajengipun Nabi paring dawuh

ذاك جبريل أتاكم ليعلمكم دينكم

“Mengkono mau Jibril, kang teko marang sliramu kabeh, saperlu mulang marang sliramu babagan agamamu”

Hadis menikolah ingkang dipon dadosaken salah setunggalipun dasar dening poro ulama ing dalem ngrumusaken yen rukun iman meniko jumlahe 6 lan rukun Islam jumlahe wonten 5 kados ingkang kulo panjenengan sami sampon sumerapi.

wonten ing kesempatan ingkang kebak barokah meniko sekedik bade kaaturaken menopo ingkang gegayutan kaliyan islam lan ihsan. Saking sudut pandang etimologi utawi bahasa, islam anggadahi makna penyerahan, sahingga tiyang muslim meniko ateges tiyang ingkang menyerah, makna menyerah meniko boten kendel wonten ing penyerahan secara fisik kemawon, ananging ingkang menyerah ugi jiwo lan fikiranipun. Keranten saget kemawon tiyang meniko menyerah ananging namung sebatas fisik ipon kemawon, jiwo lan fikiranipon awerat kagem nyerah. kosok wangsulipun bileh tiyang meniko sampon saget berserah jiwo lan rogonipun, insyaallah bade langkung maksimal anggenipun nglampahi rukum Islam, sahingga wonten ing titik niki saget dipun bentenaken pundi ingkang kawastanan muslim ingkang taat, kaliyan pundi ingkang kawastanan muslim ingkang boten taat.

Menawi dipun damel conto, seorang petinju ingkang dipon pukul KO kaliyan musuhipun, saget diwastani petinju meniko menyerah kranten sampun mboten mampu melanjutkan pertarungan, ananging model nyerah ingkang kados mekaten boten pas menewi dipun wastani kelawan istilah Islam lan pelakunipon dipon wastani kelawan istilah muslim, kranten besar kemungkinan penyerahan meniko hanya sebatas penyerahan fisik kemawon karanten sangat mungkin wonten ing saklebete manah petinju ingkang kalah kolowahu, takseh pengin wontenipon pertarungan ulang, kranten namong fisik  kemawon ingkang nyerah, anapun fikiran lan manahipun menolak untuk menyerah.

Contoh utawi gambaran wonten ing nginggil kolowahu menawi dipun terapaken wonten ing hal agami dereng saget ndadosaken pelakunipun dipun wastani muslim, kranten Islam meniko menuntut wontenipun pembenaran hati, pengakuan kelawan lesan, lan aktivitas anggota badan kagem patuh dateng Allah SWT.

Agomo lan printahipun Allah dipon turunaken dateng kito umat manungso boten kagem dipon pertimbangaken, sahinggo ingkang dipun lampahi lan dipun percados namong printah lan tunutunan ingkang nyocoki kelawan nalar. ananging kosok wangsulipun, agama, printah lan laranganipun Allah meniko ditetapkan untuk dipercaya dan dilaksanakan sebagaimana yang diperintahkan Allah SWT, sae  printah soho larangan meniko saget dipun pahami nalar utawi boten, wonten ing mrikilah penting ipun penyerahan total saking kito umat manungso, menyerah jiwa dan raga.

Ihsan ateges kebajikan utawi kawicaksanaan, ihsan boten kemawon kawicaksanan biasa, ihsan meniko puncakipun wicaksono. Ihsan anggadahi makna langkung inggil tinimbang makna adil, kranten nopo, bileh adil meniko memperlakukan tiang lintu sesuai kaliyan perlakuanipun dateng kito, ananging menawi ihsan memperlakukan tiyang lintu langkung sae tinimbang perlakuanipun dateng kito, Adil inggeh puniko mundut sedanten hak kito lan pareng dateng tiyang lintu nopo ingkang dados hak ipun, ananging ihsan paring langkung kathah nopo ingkang kedah kito paringaken, lan mendet langkung sekedik nopo ingkang kedah kito pendet. Menawi kaliyan sesami manungso, ihsan meniko kalampah bileh kito saget memposisikan awak kito, wonten ing posisinipun tiyang lintu, sahingga saget pareng dateng tiyang lintu nopo ingkang sakmesthinipun kaparengaken dateng awak kito piyambak.

    Dene antawisipun manungso lan pengeranipun, ihsan inggeh puniko leburipun diri sahinggo namung ngrumahosi hadir ipun Allah kemawon, kados ingkang kasebat wonten dawuhipun kanjeng Nabi :

أن تعبدالله كأنك تراه  فإن لم تكن تراه – سبحانه وتعالى – فإنه يراك

Nyembaho gusti allah koyo koyo seliramu bisa mersani gusti allah, ananging yen oro biso koyo mengkono, rumongsoho yen Allah tansa mirsani lan ngawasi seliramu.

Selajengipun saget kito simpulaken, dene ingkang kawastanan iman utawi kepercayaan meniko inggeh anggen nipon mbenerakan manah dateng perkoro ingkah dipon imani, iman meniko anggadahi sifat mengikat/nyencang, ateges menawi tiyang meniko sampun iman kelawan wujude Allah pramilo tiyang meniko kedah patuh dateng printah lan laranganipun Allah, kranten anggadahi sifat mengikat meniko iman ugi saget dipun wastani aqidah, ingkang secara bahsa anggadahi makna ikatan, iman bersemai dalam hati mboten ketingal wonten ing kasunyatan.

Anapun Islam minongko buah utawi dampak saking iman, islam ugi kawastanan syari’ah ingkang secara bahasa anggadahi makna belik/sumberan banyu, kados lumrahipon sumber ingkang njebul dateng permukaan, pramilo islam kedah katon lan tiningal kelawan netro.

Dene ihsan meniko buah/dampak saking kekalehipon, iman lan islam ingkang sahe bakal bade nuwohaken ihsan, ihsan merupakan budi pekerti ingkang ndadosaken hubungan harmonis, antawes ipon manungso kelawan pengeranipon, antawisipon manungso kelawan sesaminipon lan manungso kelawan lingkungnipon. Pramilo sampon sampurno nopo ingkang dipon beto kanjeng nabi muhammada SAW, inggeh meniko; iman, islam, ihsan, utawi ngagem istilah lintu inti saking ajaran ipon nabi Muhammad inggeh puniko aqidah, syari’ah, lan akhlak.

Baarokallahu li wa lakum

*) Penulis adalah kepala sekolah SMA Islam Sunan Gunung Jati Pondok Ngunut