IMAN

Oleh: Zamahsari Abdul Azis, S.Pd.I, M.Si.

Kanjeng Nabi Muhammad SAW dipun utus Allah SWT dateng tengah-tengahipon umat manungso kelawan mbeto agama enggal inggih puniko agami islam. Panjenaganipon Nabi Muhammad nggambaraken, ingkang dipon wastani agami kelawan kalimat ingkang cekak aos nanging kebak makno. Panjenanganipon ndawuh aken  الدين المعامة  agami meniko sesrawungan utawi agami meniko interaksi. 

Sesrawungan utawi interaksi  meniko saget lumampah ing antawisipon, Manungso kelawan pengeranipon, manungso kelawan sak podo podo, lan manungso kelawan lingkungan utawi alam.

Kranten agami meniko merupakan hubungan timbal balik ing antawisipon manungso kelawan 3 unsur kolo wau, pramilo saget dipon tarik kesimpulan bileh hubunganipon manungso kelawan pengeran meniko sae, mesthi sesrawunganipon kaliyan sak podo-podo lan alam ugi sae, kanthi ungkapan lintu, saget diaturaken bileh manungso meniko sae anggenipon ngibadah dateng Allah Swt, insyaalah ugi bakal rukun lan tresno marang sakpodo-podo, ugi mboten bade ngrusak alam utawi lingkungan sekitaripon. Kranten hal meniko selaras kaliyan nopo ingkang sampon dipon dawuhaken kanjeng Nabi:

إنما بعثت لأتمم مكارم الأخلاق

saktemene aku, ingsun nabi Muhammad, di utus kanggo nyampurnakne piro-piro akhlak kang minulyo.

Salah satunggalipon hadis ingkang saget nggambaraken konsep pokok ajaranipon Nabi Muhammad SAW, inggeh puniko hadis ingkang dipon riwayataken dening Imam Bukhori lumantar sahabat Umar Bin Khotob:

Cinarito wonten ing salah setunggalipon wekdal nalikane kanjeng Nabi kempalan kaliyan poro sahabat dipon rawuhi dening piyantun kakung ingkang poro sahabat dereng nate pirso utawi kepanggih piyantun meniko. Banjur tiyang kolowahu nderek gabung kempalanipon kanjeng Nabi kaliyan poro sahabatipon, wonten ing tengahe majelis tiyang kolowahu tangklet dateng kanjeng Nabi ngenani babagan iman, islam lan ihsan. 

Naliko dipon tangkleti ngenani iman, kanjeng Nabi ndawuh aken

أن تؤمن بالله وملائكته وبلقائه وبرسله وتؤمن بالبعث

Naliko dipon tangkleti babakan islam panjenangipon Nabi Muhammad paring jawaban

أن تعبد الله ولا تشرك به وتقيم الصلاة وتؤدى الزكاة المفروضة وتصوم رمضان

Naliko dipon tangkleti babagan ihsan, kanjeng Nabi paring dawuh

أن تعبدالله كأنك تراه فإن لم تكن تراه فإنه يراك

“Nyembaho marang Allah koyo-koyo sliramu biso ningali wujude Allah, ananging yen ora biso koyo mengkono, rumongsoho yen sliramu tansah ono ing pengawasane Allah SWT”

Banjur poro sahabat gawok, nggumun kelawan lakune piyantun kolowahu, kranten saben-saben Nabi njawab pitakon, ugi tiyang kolowahu piyambak ingkang mbeneraken jawabanipon kanjeng Nabi. Banjur saksampune kanjeng Nabi nerangkaen alamatipon dino qiyamat, piyanton kolowahu ilang saking ngarsane kanjeng Nabi ugi poro sahabatipon. Banjur poro sahabat sami tangklet dateng kanjeng Nabi magepokan piyanton kolowahu, wong tengklet kok sekaligus mbeneraken, banjur kanjeng Nabi paring dawuh :

ذاك جبريل أتاكم ليعلمكم دينكم

“Mengkono mau jibril kang teko marang sliramu kabeh saperlu mulang marang sliramu ngenani agama iro kabeh”

Hadis menikolah ingkang dipon dadosaken salah setunggalipon dasar dening poro ulama ing dalem ngrumusaken yen rukun iman meniko jumlahe 6, lan rukun islam jumlahe wonten 5, kados ingkang kulo panjenengan sami sampon sumerapi.

 Selajengipon nopo ingkang dipon wastani iman?

Iman  secara bahasa anggadahi makno “mbenerake”/ “pembenaran”. Wonten ulama ingkang ndawuhaken bileh iman meniko pembenaran hati terhadap apa yang di dengar telinga sehingga pembenaran akal saja tidak cukup. Ananging menawi ngagem sudut pandang agami Islam, ingkang dipon wastani iman meniko pembenaran ingkang menyangkut nopo kemawon ingkang dipon sampek aken dening Nabi Muhammad SAW ingkang pokok-pokok ipun kalebet wonten sakjeroning rukun iman. 

Ugi iman meniko anggadahi sifat mengikat, ateges menawi kulo panjenengan sami percados utawi iman kelawan wujud ipon Allah pramilo kulo panjenengan sami ketatrapan perintah supados tho’at kelawan perintahipon Allah SWT. Kranten sifat mengikat meniko iman ugi diwastani AQIDAH yang secara bahasa memiliki makna bundelan utawi ikatan.

Ingkang dipon wastani iman ugi matingkat-tingkat maqom utawi pangkat ipon, ngantos tingkatan iman ingkang paling inggil dipon wastani yaqin, maqom yaqin ugi kaperang dados 3 tingkat, diawiti kaliyan maqom ilmul yaqin, ‘ainul yaqin lan ingkang paling inggil di pon wastani haqqul yaqin.

Maqom ‘ilmu yaqin, menawi dipon gamabaraken, kados menawi kulo panjenengan dipon tangkleti, opo sliramu yaqin anane kutho Makkah? Mesthi kulo panjengan sami bakal benerake senajan dereng nate tindak dateng Makkah nopo maleh perso wujude kutho Makkah, yakin ingkang model mekaten dipon wastani ilmu yaqin kranten namung adedasar pengetahuan ingkang kulo panjenengan sami tampi. 

Maqom ‘ainul yaqin, bileh kulo panjenengan sami dipon tangkeleti kelawan pitakon ingkang sami lan kita mbenaraken, adedasar kulo utawi panjengan pancen sampun nate tindak dateng Makkah lan mirsani ugi nyatakne wujudipon kutho Makkah.

Maqom Haqqul yaqin, bileh kelawan pitakon ingkang sami kaliyan nginggil kulo panjenengan sami mbeneraken adedasar jalaran kulo panjengan pancen sampon dangu anggen ipon mukim wonten ing kutho Makkah, ngantos apal kelawan dusun ugi dalan-dalanipon, sahinggo pembenaran utawi yaqin kulo panjenengan sami mboten wonten ingkang ngaru biru utawi mblawuraken dateng yaqin kita kolowahu. Menawi sampun dumugi yakin ingkang kados mekaten saget dipon wastani haqqul yakin.

Pramilo sak samponipon nyumerapi sekelumit tentang iman, sumonggo sesarengan nyuwun dateng Gusti, mugi tansah dipon paringi tetep ipon iman, soho saget gayuh maqom ingkang  pinuji wonten ngarso dalem Allah SWT.

*) Penulis adalah Kepala Sekolah SMA Islam Sunan Gunung Jati Pondok Ngunut.